الشاعرة نور الشروق
مالك ياقلبي كده تعبان
مالك مش حاسس ليه بأمان
شيفاك دايما شارد تايه حيران
كأنك دايخ من الدنيا سكران
ولا إنت عايش جواك كسرة..
خزلان بتموت من كتر الحسرة
ماشي مش لاقي باب منه تفوت
عايز معجزة تتكتب علي ورق توت
فوق دي المعجزات كانت زمان
أيام مكان فيه صدق فيه أمان
لما كان فينا خير وحب وود وعشره
الزمن خلانا دهب فالصوا دهب إشره
بس إنت خليك فاكر غدر الأيام
أقرأ ايضآ في أخر الأسبوع
لما إديتك ضهرها ملقتش سلام
ملقتش فيها أيااام حلوة
أيام كانت قهر أيااام مره
مات فيها كل إحساس بالغير
أيام مكنا بنحب للناس الخير
لفيت .. لكن هنا وبس وكفايه
كفايه ألم من كل درس وحكايه
عايز ترجع من تاني طفل صغير
والأحلام جواك بتجري بتتغير
صدقني كلها أحلام وأماني قديمة
ملهاش أساس م الواقع ملهاش قيمة
حذرتك ترجع طيب .. زي زمان
ونرجع نمسح دموعنا من الأحزان
Please follow and like us:
