بقلم / أسماء يوسف البناوى
(دنيا غريبه)
عايزه المعوجه اللعيبه
تنصب فى شباك
وتقولك عايشه باموت فى هواك
تعمل لك بحر من الأشواق
وتصيدك بكلامها المعسول
وجمالها المرصوص عمليات
ماهى دنيا غريبه
الطيب فيها بينداس
والكذب بقى له حبيبه
أقرأ ايضآ في أخر الأسبوع
تعشق فى الهلس وفى العيره
وتزوق فى المعيوب دايما
وتنافقه تعلى التسعيره
الله يازمان رجعنى قوام
لزمانى وخد لك بونديره
دا زمانى جميل
وفيه الناس بتحب الخير
وجمالها ماهوش مغشوش
مرشوش بشوية مية ورد
وحسن النيه منور دايما زى البدر
والضحكه الحلوه راسمه الوش مابتفارقوش
والطيبه واضحه على وشه بدون أى رتوش
Please follow and like us:
