ماتخسرنيش
ماتخسرنيش
بقلم / محمد عبد العزيز
سنين عايش
عشان خاطرك
وبتحمل كتير منك
وخسرت الناس بعمايلك
ياريت تفهم ماتخسرنيش
انا زاد الالم فيا
وانا مش طالب حنيه
ولا طمعان فى القلب
فالاصل
مهوش ليا
وعارف انى معديه
علي كتافي اتحملتك
وعارف كمان انك ماحبتنيش
ولو عالقلب ما هتحايل
ولو قالوا فى يوم بختى
هاقول البخت كمان مايل
ومش هازعل ولا ادايق
ولا هاترجى تصدقني
بس ساعتها ماتلومنيش
ورضيت بيك ياهم
وانتا اللى مش راضى
وهاعمل ايه يافرح
انتا اللى مش فاضى
ولو جتنى فى يوم
هاجيب عليك اللوم
منا كنت عايزك يوم
وانتا اللى مش فاضى
بس حاول ماتخسرنيش
