مها بركات تكتب خاطر مكسور
بيسألوني مليووون سؤال
مالكِ كده….شكلكِ حيران
حالكِ…مش حالكِ..ليه كده في توهان !!؟؟
عايشة..ومش عايشة..شكلكِ دبلان
بتداري حزنكِ… بإبتسامة باهتة والسلام
فين هزاركِ..فين روحك الحلوة..فين الأحلام
ليه مانعة نفسكِ م الكلام
ليه حابسة نفسكِ جوه الأحزان
ليه سايبة حلمكِ…وبتعاني وحدكِ
من إمتي الرحيل…كان أصوب قرار
فين صمودكِ !!!….فين صلابتكِ !!!؟
فين العزيمة !!! ….فين الإصرار !!! ؟
إياك تقول لي الزمن غدار
ومحدش في الدنيا بقا له أمان
ماهو ده الواقع…وعارفينه من زمااان
هو يعني سكوتك …هو التماااام
هتعيش لإمتي….لابس لجاااام
ياسيدي إتكلم..فضفض..إصرخ..إحكي الآلام
إياك يوم …تعود نفسك ع الكتماااان
ولا مرة تندم علي حد خاااان
ما إحنا كلنا ياما…. خسرنا رهااان
وأدينا عايشين بين اللي خدع..وبين اللي هان
يلا…يابطل…إتخطي الآلام
قدف وسط الموج….لبر الأمان
ولو الشراع إتكسر….
عافر وجازف….متكونش جباااان
ومتتلككش إن الموج غدار
بالإرادة هتوصل لأسمي مكاااان !!!!
وفجأة نزلت دمعتي…وصراخي ملأ أرجاء المكان
فين الأمان !!!؟؟…وفين رهاني علي السلام !!!؟؟
إزاي خاطري ينكسر !!؟؟ وأنا المخلص اللي عمره ما خان
قلبي بيصرخ م الوجع
كل اللي جوايا إندبح
حسيت بشيء مني إتخطف
حتي الشمس ضوئها خَفت
ومن ساعتها بقيت تايه….
بين الهزيمة والإنتصاااار
بين الصمود وبين الفرار
وياتري أيه أصوب قرار
لحد ما وصلت لأسوء حالة بين الغثيان والإحتضار !!!!
