حبكيات ( بالراحه يا رمضان )
كتب محمود الحبكى
متابعه محمود كروز
بالراحه يا رمضان
بتلملم في عِزالَك
مستعجل قوى كربان
عمال تجرى ما وآخد نَفَسَك
زى الماشي في قيَّاله وحَفيان
يكون زعلان
يكون وآخد علي خاطرَك
من أفعال الإنسان
ما كتَّر خيرُه يا رمضان برضو
دا بيقضِّي في يومُه بطولُه وعرضُه
يسدد قرضُه
وراهن أرضُه
وبرغم دا كلُّه الجيب خويان
ف ياريت تكتب في التقرير
إنه دا كان بيصوم
ومش معصوم
وراضي كمان بالمقسوم
وف رحمة رب كريم عشمان
وإن حسابُه يكون بالعفو
ما يكونش بميزان.