كيف اسعد زوجتى ؟
بقلم / غادة علي عبد المقصود
كيف تصبح الحياة الزوجية سعيدة ؟
من السبب في السعادة الزوجية ؟
هل الزوج ام الزوجة ؟
دائما نلقي الكرة في ملعب الزوجة ، ولكني الآن اعكس الدور ، وسالقي بالكرة في ملعب الزوج ٠ بمعني كلامي سيكون إلي الرجل ، ( الرجل وليس الذكر ) ٠
الرجل الذي أشار إليه القرآن الكريم ( الرجال قوامون علي النساء ) ،
فالبداية الأنوثة تأتي من الرجولة ٠
عندما يكون هناك زوج رجل بمعني الكلمة ستأتي الأنثى ، ( مافيش إنثي الا وراءها رجل ) ٠
كثير من السيدات هن إنثي بكامل أنوثتها داخل البيت ، ورجل بشنب خارج البيت وده الشرع و ده الدين وده المفروض ، وليس العكس ٠
البداية من الرجولة داخل البيت ٠
فكل ماهتكون لها رجل هتستمتع بانوثتها كاملة ، و هتكون لك الطاعة، و المجيبة ، مش هتحتاج تقول لها اللبسي لي حاجة كويسة ، كل مابترعيها و تحاوط عليها و تقوم بواجبك نحوها كل مابتذداد عندها الأنوثة ٠
ببساطة كدة الأنوثة والسعادة بتاتي من :-
1- كل ما تخاف عليها هتفضل قطة مستكينه في نفسها ( وده جميل جدا في الست ) ٠
2- كل ماهي شيفاك رجل هتعملك الف حساب ٠ ( رجل بالاحتواء والحب والإحترام ) ٠
3- كل ماهتفضل تحميها هتفضل مستخبية وراك بمزاجها مش مضرة ولا خايفة ٠
4- كل ما هتساعدها هتعتمد عليك في شوية حاجات هتوفرك شوية معارك ظريفة ، بسيطة ، هتنتصر فيها و هتبقا الفارس اللي وصل لقلبها ٠
5- كل ماهتغير عليها هتفضل شيفاك حبيبها ٠
6- كل ماهتجيب حقها هتفضل فاهمة إنك سندها و حياتها كلها ٠
7- كل ماهتفضل تدلعها هتفضل هي مدلعة في نفسها ، مدلعة معاك ، و مدلعة عليك ٠
8- كل ماهتفضل تخطب ودها هتفضل تدلل عليك لأن دي طبيعية الأنثى ( الدلال و الدلع ) ٠ا
9- كل ما تطول بالك عليها، و هتعاملها بهدوء، وبذوق كل ما تحافظ علي رقتها و حنانها و هتحافظ علي اسلوبها الرقيق في التعامل ٠
10- كل ما هتبقا بتشكل لها الحماية، والأمان هتفضل تشكل ليك الصحبة و الحنان و الطمأنينة ٠
الموضوع بسيط محتاج رجل يحتوي زوجتة ( مش ذكر يستقوي عليها ) ٠
الله المستعان ٠
