جاي رمضان
بقلم/محمود جنيدى
روح رجب بدرى
وبعتلنا شعبان ..
بيقول استعدوا
جاى رمضان ..
مش عايز منكوا حاجة
غير يكون الإنسان إنسان ..
نملا النفوس محبة
ونملا القلوب إيمان ..
نسبح ونذكر ونقرا
ولو صفحة من القرآن ..
نتصدق ولو بابتسامة
ونرجو رحمة الرحمن ..
مننساش إن ده شهر
جاى منحة من الديان ..
تراويح وتهجد سنة
عن طه النبى العدنان ..
وزكاة الفطر فرض
طلعها تعيش فى أمان ..
شهر كريم ومبارك
بليلة القدر والقرآن ..
يربح فيه اللى يربح
وياحسرة على الخسران ..
فاستعدوا حبايبى وادعوا
اللهم بلغنا رمضان ..
********
١شعبان١٤٤٤
٢١فبراير٢٠٢٣