حكاية رحمة ومسلسل الكبير
كتب وليد حسين
عندما سألنا المخرج الشاب أسامة السبكي علي اهم ادوار رمضان الفنيه قال السبكي كنت بقلب في اكونت رحمة أحمد (مربوحة) ع الانستا ولقيت البوست دا من 2018 يعني من 4 سنين وبتقول انها متقبلتش ف المعهد !
يمكن عشان كتبت الخبر ببساطة ورضا وشوية من الهزار وكإنه عادي مش أخر الدنيا ف ربنا يراضيها ويعوضها بعد ٤ سنين بأن أول ظهور ليها يكون ببطولة لمسلسل مصر كلها تشوفه ويشاورا عليها فيه ،، يمكن لو كانت نجحت ف المعهد ساعتها مكنتش كملت ووصلت للي هي وصلتله دلوقتي ولا كان السيناريو دا حصل أساسًا..
بس ربنا ليه تخطيطه وتدابيره اللي محدش يعرفها غيره..
يمكن أهم ٣ حاجات ممكن نطلع بيهم من الموضوع ده هو أن يكون عندنا “رضا” وعندنا “صبر” ومنستعجلش على رزقنا ونشتغل على نفسنا و”منيأسش” لحد مانوصل
ووقتها ربنا هايكرمنا بأحسن بكتير من اللي في دماغنا ووقتها كل اللي رفضوك هيندموه انهم رفضوك فـ يوم من الأيام
