كتب وليد شفيق
تسائل الإعلامي أسامة كمال، ماذا فعل المصريين منذ ثورة 30 يونيو قائلا”من 30/6 و26 يوليو لحد النهارده عملنا آيه؟ الحقيقة فيه ناس اشتغلت وشقيت، واللي يقول مصر كلها قعد يبقى ظالم”.
وأضاف كمال خلال برنامجه “مساء dmc”، اليوم الخميس، أن “أقول قبل الصمت الانتخابي الرئيس السيسى طول الوقت بيطلب مساعدة الناس فى بناء البلد، طلب بسيط، أنزلوا فوضونى احارب الإرهاب، أنزلوا انتخبوا حتى لو كان صوتكم للمنافس؟”.
وأوضح كمال”طلبات طول الوقت بسيطة، وكأن السيسى هو المستفيد الوحيد من بكره بتاع مصر، مع إننا كلنا مستفيدين، بس بنفضل نبقى متفرجين ومش عاجبنا لا الكورة الحلوة ولا الإجوان ولا أحنا شاكرين حامدين نعمة ربنا علينا انه نجانا”.
وشدد على أن “شكلة مصر كانت ف المؤيدين مش المعارضين المؤيد رافع شعار أهى ماشية وقعد فى بيته، والمعارضين أو مش المعارضين قصدي المهاجمين اللي مش عاجبهم شئ، مهما كان عددهم قليل طول الوقت صوتهم عالى فبدل ما نحس بالغضب من هجومه علينا وعلى البلد نقلب وشنا احنا كمان أحسن يتقال مطبلاتى”.
…………
