بقلم: — حنان حلمى
عمري آلاف
من السنين
ياما جبت
معايا خير
لكن لما
كنت اغضب
كنت اخد
الكل في سيل
وكنت افيض
علي ناس بالخير
وياما كتب
ووصف فيا شعرا
وغني لي
مطربين كتير
وكتير من الاحبه
معايا كانوا من السهرانين
هتلاقيني موجود
في كتب التاريخ
ووصفني في الكتب
بعض المؤرخين
مانا اصلي بتكون
من فرعين
فرع ابيض
وفرع ازرق
بمر بست دول
وامشي مشوار طويل
واجري واطوي
الارض طي
لحد ماوصل المصب
عشقي الكبير
حبيبتي مصر
واحضنها حضن جميل
والون أرضها بلون اخضر
لون كله محبه وخير
وزي ما ابتديت طريقي
بفرعين ينهي مشواري بفرعين
فرع دمياط ورشيد
دول مني مولودين
لازم ولابد تكونوا
عرفتم انا مين
انا اتوهبت لمصر
انا نهر النيل
ومهما مرت علي
من ايام ولا سنين
هاجي علي مصر دايما
في المعاد بالخير
مانا وهي متواعدين
ما يدخلشي بينا
اي حاقد لعين
ومهما دبروا من
المؤامرات ملايين
هشتاق لحبيبتي مصر
مانا وهي متواعدين
بص لشعبها وشوفه
واخد مني ومن صفاتي
وهما في عز فرحهم
بيحتفلوا علي امواجي
وبيشتكولي وجعهم من
الايام وهما مهمومين
اصلهم مش اي حد
دول هما المصريين
حكيت ليكم الحكايه
من اول البدايه
حكايتي انا
حكاية نهر النيل
بقلم حنان حلمي
