متابعة سماح الشيخ
واخيرا تشغيل 4 محطات مترو جديدة
جمال عبدالناصر التبادلية مع الخط الاول و ماسبيرو و صفاء حجازي في الزمالك و الكيت كات واللي بدأوا التشغيل التجريبي للركاب يعني تقدر تجربهم حاليا ولمدة شهر والافتتاح الرسمي الشهر المقبل
الخط التالت للمترو اصبح اسمه الخط الاخضر لانه صديق للبيئة و مساره من محطة عدلي منصور المركزية في مدينة السلام و يمر بمصر الجديدة و العباسية و الزمالك و كل ده تم افتتاحه و ينتهي بمحورين منهم محور في المهندسين و بولاق لحد جامعة القاهرة و المحور الاخر امبابة و روض الفرج و دي المرحلة الاخيرة اللي هينتهي العمل فيها قريبا ان شاء الله
وبيربط مع مترو الخط الاول في محطة جمال عبدالناصر و مع مترو الخط التاني في محطة العتبة و مع مونوريل اكتوبر في محطة وادي النيل و مع مونوريل العاصمة في محطة الاستاد و مع القطار الكهربائي و الاتوبيس الترددي في محطة عدلي منصور ❤
