كلمات/أم هاشم العيسوي
زعلان ليه بكره تفرج وتبقي عال
اصبر بس الصبر جميل
بكره يرزقك بناس شبهك لطاف جمال
مهما تسند علي كتفهم عمره ما يميل
حظك وقعك في ناس مش لونك
ناس استحلت اذاك.من غير ضمير
استباحت بكل برود تطفيك وتخونك
بس ربك موجود ادعيله بعوضه الكبير
بكره يجولك عاضين علي ايديهم من الندم
ويحلفو مهما يحلفو خلاص انتهي
وجودهم في الباقي من حياتك عدم
تتلون الأفعي والوانها تغري ويبقي فيها سمها
في حياتك ناس كتير عارفه قيمتك
الا هو كان شخص أناني ونرجسي
يكفيك تمشي والناس ترد غيبتك
وعارفه مين كان حنين ومين ياما قسي
ملعون أبوها المظاهر عشان كلها كدابه
وبقولها بعلو صوتي يارب خدلي حقي
وكل اللي ظلمني انتو ناس من الاول متعابه
وخلوني ساكته افضل ومفتحش بوقي
ولو فاكرين ان ليا نقطه ضعف
فحبه اقولكم طظ في ارائكم كلها
وافتكرو نفسكم لما جتوني في يوم زحف
واحمد ربنا معنديش حاجه اخاف منها
كل حق وليه أوان
دي الحياه كما تدين تدان
والله ما مستعجل وقاعد اتفرج
الحساب هيكون عسير.. القصه مش بتهرج