كتبه/بهاء احمد هلال بني سويف
أقرأ ايضآ في أخر الأسبوع
أنا عن نفسي بقدم اعتذاري لكل فلاح مصري شريف إتقال له في يوم يع يع انت فلاح و جاي من ورا الجاموسه
بقدم اعتذاري وبقولك :
أيوه أنت الأهم و أنت سيد الناس .
إرجع وأنت فخور و مرفوع الراس .
إرجع والله أنت الأصل والأساس .
إرجع إزرع أرضك وراعي الأرض والجاموسه والفاس
إرجع ابني فرنك البلدي من جديد في وش الدار .
إرجع ربي الخروف و الفرخه والبطه والوزه
إرجع إنتج البيضه والجبنه و القشطه والزبده .
إرجع إنتج القمحه والشعيره والرز البلدي بتاع زمان .
ارجع وازرع داير الارض باميه و فول وفلفل باذنجان .
ارجع وابني فوق السطح برج حمام وجنبه جرة مش .
ارجع ابوس ايدك اكلنا اتسمم وبقا كله غش ف غش .
ضحكوا علينا ب لانشون و فيتا و فلامنك .
خلو عيشتنا طعمها ماسخ و ضنك ف ضنك .
فراخ بيضا لا ليها طعم ولا فيها ثمره و كمان مهرمنه .
ولحوم و زيوت وسمنه بقلة الضمير متصنعه .
إرجع كلنا بنعتذر لك وبنقولك بجد إحنا أسفين
وبنعتذر لبرج الحمام و للجاموسه وللأرض والطين
أرجع ورجع الخير لينا ولبلدنا واهلينا
Please follow and like us:
