رسالة في ودن كل زوجه وزوج

رسالة في ودن كل زوجه وزوج
كتبت ولاء منيسى
● الطبطبة مش عيب ..
●الكلمة الحلوة مش بتمرِع ..
● الإهتمام مش محتاج مجهود و لا فلوس كتير ..
●بلاش نقف لبعض على الواحدة …
●أحسنوا النوايا ..
●التفاصيل بتفرق و الإهتمام بيها بيصنع المعجزات ..
●أقوي حب بيموت بالإهمال وعدم الإحترام ..
●العشرة الطيبة ممكن تبقي أقوي في حبها من الرومانسية غير الناضجة ..
●الحب مش بالكلام و بس .. أكبر من كده بكتير ..
●نجاح أي علاقة محتاج مجهود من الطرفين ..
●الشكوي من عيوب شريك حياتك الدايم هيزهقه حتي لو معاك الحق ..
●بلاش مقارنات ..
●بلاش الدماغ الناشفة و إن شريك حياتك يزهق من النقاش معاك ..
●الست الذكية هي اللي عارفه ازاي تكسب جوزها ..
●الرجل الذكي هو اللي فاهم طبيعة الأنثي ..
●الغلط بيجيب غلط أكبر منه.. الإحترام أهم حاجة ..
●كبّروا دماغكوا ..
●امدح في مراتك قدام الناس ..
●اللي مبيعجبوش العجب ده أكتر نوع مزعج في الجواز ..
●الرجل و الست بيكملوا دور بعض مفيش حد فيكم دوره مش مهم ..
●مراتك شايلة كتير أوي أوي .. ساعدها قد ما تقدر ..
●جوزك طالع عينه في الشغل .. قدّري تعبه ..
●النكد بيحول أي بيت لمكان يسد النفس ..
●كلمة تسلم إيدك مش صعبة ..
●كلمة ربنا يخليك لينا مش صعبة ..
●الولاد مسئوليتكم سوا من الألف للياء ..
●اسمعها حتي لو كلامها تافه بالنسبالك .. {هو مش تافه على فكرة} ..
●اديله مساحته ..لما بتخنقي الراجل بيبقي قرفان أكتر و مش طايق عيشته ..
●خليكم شيك دايما في اللبس وفي التعامل في البيت.. هتفرق معاكم اوي..
●احترموا بعض ..
●دلعو بعض ..مش عيب و لا حرام !!
●هزروا سوا .. بلاش غلاسة ..
●اللي زعلان ميشلش جواه .. الفضفضة بتجيب من الآخر ..
●بلاش أنانية و إن في طرف مستني كل حاجة من التاني ..
●مفيش حد ملاك بس في ناس بتغلط و بتعتذر و بتحسن من نفسها ..
●بلاش دور الضحية .. ممل جدا ..
●التفاهم مهم أوي .. اتكلموا كتير ..
●متخليش شريك حياتك يقفل منك و يجيب آخره و أنت مصمم إنك تفضل زي ما أنت و خلاص عشان السكة دي اخرتها مش حلوة ..
●افتكروا لبعض الحلو بلاش سواد ..
بلاش ضربة البوز .. قولو اللي مزعلكو علطول ..
●متناموش متخانقين ..
●كتر الزعل بيعمل فجوة بين أي اتنين و بالوقت بيبقي ده العادي !!
●اتغيروا عشان بعض في اللي تقدروا عليه و تقبلوا الاختلافات اللي بينكم ..
●قدًمو السبت عشان تلاقو الحد و الاتنين و كل أيام الأسبوع ..
●احنا مش في حرب

منقول

Please follow and like us:
Pin Share
RSS
Follow by Email
istanbul escort
lastik patlatan