عاجل !
- المركز القومي للترجمة يشارك بالدورة ال12 من معرض فيصل للكتاب
- مجلس حكماء المسلمين .. مبادرات استثنائية لحماية كوكب الأرض
- وزير التعليم العالى يرأس اجتماع مجلس إدارة مدينة الأبحاث العلمية
- درس التراويح بالجامع الأزهر : القرآن مأدبة الله .. من تمسك به عصمه
- برواية حفص وخلف العاشر ورويس وورش .. آلاف المصلين من مختلف الجنسيات يشهدون صلاتي العشاء والتراويح بالجامع الأزهر
- وزارة التموين والتجارة الداخلية
- اليونسكو ” تختار ستة طلاب من مرحلة الدراسات العليا بجامعة عين شمس وعضو هيئة تدريس للمشاركة في ملتقى الجامعات لشئون التراث الثقافي 2024م
- محافظ الغربية يتابع أعمال الرصف والتطوير بمحله مرحوم
- احتفالا باليوم العالمي للتراث .. التنسيق الحضاري يقيم معرض مآذن وقباب القاهرة المحروسة بالامير طاز
- شباب استطاعوا ان يحققوا نجاح على منابر المساجد الكبرى
بقلم …محمد تريكة تريكة
لما الاخلاق تموت
ايه فاضل لينا تانى
واما تعيش فى سكوت
ايه فايدة الامانى ……………
اخلاقنا فى الحضيض
عايشين وسط الخراب
ونسينا ان يوم
رح نبقى فى التراب ……………
عارفين
عارفين السبب مين
السبب فينا احنا
بعدنا عن الدين
فاكرين اننا ارتحنا …………..
لا والله
لا والله مافيها راحه
دى اسمحها استراحه
كله بيضحك على كله
ونسميها صراحه ………………
افعال الناس فى الشارع
اطفال وشباب وبنات
والغلط مافيش مانع
والعيشه تبات فى نبات ………………
افلامنا بقت منحطه
تمثيلنا بقى رخيص
وتقلب على المحطه
تلاقى تخابيص ………………..
وتقولى مافيش اخلاق
الغلطة بقت مباحة
عشان مافيش عقاب
وبقولها وبصراحه
عيشتنا بقت هباب ……………….
قتل وسرقه ونهب
وكله شايف وسامع
وفى ناس تانيه نايمة
وفى احلامها بتراجع ………………
يامصر لمى اولادك
ضميهم جوه حضنك
اخلاقهم ضاعت منهم
لما بعدوا عنك ………………………
غيره وحقد وغل
والنار هتاكل الكل
رجعولنا زمان بسرعه
كانت حياتنا فل …………………….
رجعوا الضحكه اللى راحت
رجعوا القلب المرتاح
رجعوا جدى وستى
رجعوا كمان الافراح ………………….
أقرأ ايضآ في أخر الأسبوع
زمان كان فى احترام
بين كل الناس فى الشارع
دلوقتى عينى عينك
شرب البلاوى فى الشارع ………………..
لا اب بيربى
ولا ام بتتعامل
وكله بيخبى
والظلم شئ بارع ……………..
التليفزيون مرايه
والكل بيقلد
وكل يوم حكايه
مابيننا بتتجدد …………………
السبكى ورمضان والسقا
دول بوظوا البلد
واللى يقول لاا
على طول بيتجلد ………………..
ويقولوا الفن رساله
ايه بقى الرساله
دانتوا بقيتوا عاله
بقيتوا خراب للشعب
زيكوا زى الحساله …………………
عارفين تمثيلكوا هابط
وبتاخدوا عليه جوائز
والناس فى الشارع تقتل
والدنيا تبقى جنائز …………………
ملعون ابو الفلوس
اللى تبوظ بلد
كله يغور فى داهيه
ولا انى اقتل ولد ………………..
تقتل ولد ازاى
اه اقتل ولد
لما الولد يطلع
قدوته الفنانين
ماللى بيشوفه منهم
يعملوا فى البنى ادمين …………….
محتاجين اخلاقنا ترجع
محتاجين نرجع لله
والله الضربه ماتوجع
طول مانت فى حفظ الله ………….