زارع الأمل | جريدة اخر الاسبوع

زارع الأمل 

بقلم / علواني فاروق الشويحي

يازارع الأمل
كتر من الآمال فدادين
جايز كده ومحتمل
تفرح القلب الحزين
ليل العتمة مش هيطول
و لو كحل سواده العين
بكرا القمر يطلع ضيه
و يشق السواد نصين
درب الطموح سكنه واعره
ما تقبلش القسمه على إثنين
مين قالك النجاح صدفة
بيقابل في طريقه كسلانين
ياما عافروا معاه عباقره
ونحتوا الصخر المتين
وحفروا فى لوحة الشرف
أسمايهم بين الفايزين
إعلم إن ‏الفوز ده كفاح
وكسرة ونصرة السنين
و من غواه اليأس مرة
راح يموت من المحبطين
خلي سلاحك عزيمه وقوة
وشق الصعاب لوفين
دي الأمثلة صورها كتيرة
لناس كانوا مبدعين
يجوز تمشي دورب الأشواك
وتعافر وياالأنين
و تتحسر على أيام صعبة
بين جدرانها كنت سجين
كاتب قصص أوجاع مرة
تبكي عليها جفون العين
هدفك بالتركيز هتنوله
و تكتب تتر الفرحانين
وتسبق بالخطاوي مراحل والسنين
و تكون أول المجتهدين
ودموع التعب راح تتنهي
كأنها سحابة فاتت من يومين
يازارع الأمل
كتر من الآمال فدادين
وإبدر تقاوي السعد هنا
تخضر الأحواض بساتين

 

 

 

 

مصر الطقس من أخر الأسبوع