بقلم محمد تريكة تريكة
بلدى ياحبى ياروحى وقلبى
ياكل اللى ليا بحبك كتير
اسافر واهاجر اسابق واعافر
واحن وارجع لحبك اسير ……………..
ياحضن الغريب ياستر القريب
جميلك على الكل دين فى الرقاب
يا امى وابويا يا اختى واخويا
ده خيرك بيعلى لحد السحاب …………….
ياارض الكنانة وبيت الامانة
فى حضنك عاشت كتير انبياء
يوسف الامين رفض الخيانة
وموسى يكلم رب السماء ………………….
فيكى الهرم فيكى الكرم
فيكى العدو هنا انهزم
فيكى الرجال كانوا ابطال
لما بارليف هنا انهدم …………………..
فيكى البنات سكر نبات
فيكى الولاد دول اسياد
فيكى الام تسد سد
فيكى الاب صامد عشان راجل بجد …………..
فيكى العلم فيكى الادب
فيكى التاريخ هنا انكتب
فيكى الحضارة فيكى المنارة
فيكى اجمل فنون فى العمارة ……………….
فيكى الريادة فيكى الرياضة
وفيكى اجمل دور العبادة
فيكى الجوامع فيكى الكنائس
مصر ام الدنيا ياسادة ………………….
مصر فيها نهر النيل
مصر شعب كريم اصيل
مصر بلد الجدعنه
شعبها حر وجميل …………………..
مصر سابقة فى كل شئ
مصر اول الطريق
مصر جنه جوه جنه
مصر ديا حته منا ……………………
مصر عندى اغلى حاجة
بسيطة جدا مش محتاجة
دور وشوف فى كل حته
مش هتلاقى غيرها حاجة ……………..
بحبك يابلدى وحبك كبير
بحبك وعايش فى ارضك امير
لا يوم تعبت ولا مليت
عشت فيكى راضى بكل خير …………….
بحبك يامصر
