🌻كلمة اليوم .🌻
كتبت /سماح الشيخ
اللي جوه نفوس الناس بقي يخض ومن رحمة ربنا إنه مستخبي !!
لما تلاقي نظرة الحب الحقيقية في المطارات ، والندم الحقيقي تلاقيه في المقابر ، و الدموع الحقيقية تلاقيها في الجنازة و الدعاء من أعماق القلب تلاقيه في المستشفى ، يبقى إحنا ناس مشاعرنا مزيفة..
لأننا ببساطة مبنعرفش قيمة بعضنا إلا في النهايات ..نقول تاني إنك لما تقدم وردة في وقتها أحسن كتير من انك تجيب نجمة من السماء بعد فوات الأوان ، أنك تقول كلمة حلوة في الوقت المناسب ، أحسن كتير من انك تكتب قصيدة بعد ما تختفي المشاعر ، مفيش فايدة من أشياء او مشاعر تيجي متأخرة ك قبلة اعتذار على جبين ميت..
ياسادة لا تؤجلوا الأشياء الجميلة، ولا تكتموا المشاعر وتقتلوا الأحاسيس بداخلكم فقد لا يأتي أوانها مرة أخرى
الحقو قبل فوات الاوان وقدمو الحب والرحمه وجبر الخاطر وانتو قريبين قبل ماتبعدو لان وقت البعد هيضيع حاجات كتير.
