رأفت عبد العال
كأني تهت في العنوان
ولون طيفك معادش يبان
ولا قمرك يبات سهران
قوليلي هي دي وعودك
وليه وردك حطب على عود
ما كنت زمان اغنيلك وارن العود
وكنتي معايا بتغني لرن العود
انا النساك في محرابك
انا العايش في اهدابك
انا لسه برن العود
بنغمة شوق حيرانه
ونقش الحنه على ايديك
كأنه نشيد بيتغنى في يوم العيد
مع الفرحه كأنه لوحه فى طبيعه
لورد خدود
سافرت معاكي في الاحلام
وكان حلمي يزيدني هيام
ولهفة قلب مشتاقه بتحكي كلام
حبيبتي يامركب الحيران
حبيبتي ياواحة التعبان
اناديلك على عودي
والاغي الورد في خدودك
بهمسة شوق بتدعيلك
ولهفة قلب تناديلك
حبيبي عود حبيبي عود حبيبي عود
أقرأ ايضآ في أخر الأسبوع
Please follow and like us:
