عارفة

0 0

رأفت عبد العال
لما الدنيا تاخدني في توهه
وألقاني عايش فيها وحيد
بحلم إني معاكي بروحي
وإن الأرض كلها عيد
اسمع صوتك قلبي بيفرح
واعرف اني لسه سعيد
بس الحلم ياريته يدوم
تعرفي مرة حلمت بإيه
حلمت إني معاكي وبضحك
كل هموم الدنيا تدوب
واصحى بحلمي أرجع
أدخل جوه مغارتي
واعزف لحني ويا هوايتي
أكتب فيكي أحلى نشيد
واسرق وقتي جوه خيالي
تظهر صورتك أحسب عمري
يطرح جنبك عمر جديد
أسبق شوقي واحلم
تاني حلم جديد
ياللي معاكي لقيت أيامي
تسمعي نبضي قبل كلامي
أرمي في حضنك كل همومي
وأعشق صوتك وأعشق يومي
يشتاق قلبي للمواعيد
انتي الفرحة وانتي البسمة
وانتي العيد ………..عارفة

اترك تعليقاً

CLOSEX
عــاجل