الفنان حسن يوسف يصرح:بأن شهر رمضان لقراءة القرآن والصلاة وليس لمشاهدة المسلسلات..

متابعة احمد اللبودي

و انتقادات حادة بسبب هذا التصريح :

كشف الفنان حسن يوسف، عن السر وراء امتناعه عن المشاركة في مسلسلات رمضان 2023، مؤكدا : “لا أشاهد المسلسلات في رمضان… فقط أرى المصحف لأن هذا الشهر الكريم هو الحصالة اللى يحوش فيها المسلم أعماله الصالحة علشان لما يقابل ربنا بعد عمر طويل يبقى معاه رصيد”.

وتابع خلال مداخلة هاتفية فى أحد البرامج الفضائية :”لو مش هنحوش رصيد في شهر رمضان اللى بيجي مرة في السنة المسلم هنحوشه امتى؟”.

وأضاف:”شهر رمضان لقراءة القراَن ونحاول نختمه مرة أو اتنين أو تلاتة، ونزود من الصلوات والنوافل والتسبيح والذكر، وهو الشهر ده معمول لكده مش لمشاهدة المسلسلات”.

ولفت:”كان ليا مسلسل اسمه بيت السيدة، ولكن تم تأجيله وبالتالي خرج من السباق الرمضاني، وكان المفروض نصوره علشان رمضان، وبيت السيدة انا اعتبرته بيتنا لإني قعدت في السيدة زينب 20 سنة ..فكل القيم والأخلاق والعادات موجودة في الأحياء الشعبية، وكان مسلسل عزيز عليا، ولكن تم تأجيل تصويره وكان المفروض انه معمول علي انه له علاقة بشهر رمضان ودلوقتي جعلوه مسلسل اجتماعي وسيتم البدء في تصويره لما بعد العيد”.

وأشار:”انا مش واخد موقف من دراما رمضان، واتعودنا نقدم دراما في الشهر الكريم من ايام مسلسل لا إله إلا الله، بس انا بقول مننشغلش بهذا عن حقيقة شهر رمضان”.

و قد اثار هذا التصريح بعض الانتقادات من فنانين و اعلاميين حيث قالت الفنانة المعتزلة ليلى طاهر إن التديّن لا ينهى عن ممارسة الحياة الطبيعية…والأعمال الفنية دي أعمال ثقافية جميلة، وممكن نستفيد منها كويس، وزي ما بقرأ كتاب اتفرّج على مسلسل، إيه المشكلة؟”.

و قال الناقد طاق الشناوى : حسن يوسف عامل خصومة بين الإيمان والفن، ودى مسألة شائكة ومش صحيحة على الإطلاق.. بجد أنا بتعجب أوى لما يصدر كلام زى ده من فنان له قيمته زى حسن يوسف، واللى عمره الفنى تخطى الـ 60 عاماً، وأنا بتكلم عن مرحلة زمنية كبيرة جداً، وكان هو وقتها المُتوج كفنان ومُبدع”.

وتابع طارق:ـ “ولو إنت مش عاوز الناس تتفرج فى رمضان على دراما، طب إنت إزاى بتعمل دراما فى نفس الشهر، وبجد أنا شايف إن فى تناقض فى كلامك، وده علشان إنت قولت إنك عملت مسلسل الشعراوى فى رمضان وإتفرجت عليه بعد رمضان”.

و اخيرا رغم أن تصريحات الفنان الكبير تخصة شخصيا الا أنه من الواضح جليا بأن هناك متربصين بكل تصريح له او لزوجته الفنانة المعتزلة شمس البارودى و جاهزين بالهجوم عليهم بكل قسوة و بلا مبرر .