ما تدوريش

0 1

رأفت عبد العال

ما تدوريش ع الحلم ف إيديا

ومتحسبيش الدمع بقى غية

بحرك حبيبتي غرق والعوم

مش ليا الحلم أصله عنيد

أوجاعي مخفيه راحت اماني

كتير العمر ضاع مشاوير

وعلمت قلبي معبدك ….

صليت فروضي الخمسه فيه

أعلنت إني بعشقك

أنا كنت راهب بتبعك

قفلتي ليه كل البيبان

مع إني لسه بسمعك

صحيتي ليه كل الجراح

وأنا اللي مولود بعشقك

يا قلبي موهوب للحنين

تايه وتايهة خطوتك

ياقصة دوبها السنين

ده هوانا ملقاش جسر

بعبر للهوى

والآه بتطرح الف آه متغربة

متعزبه ويا الانين

ياحلم يصرخ جوه شق النور

امتي تلاقي خلاص توصل

لبر النور وتشق الف بحور

وتلاقى سكتك…..

اترك تعليقاً

CLOSEX
عــاجل