يا فقر اشتكيني

يا فقر اشتكيني
الشاعر احمد ترك

يا فقر اشتكينى
سيبنى وقول كان على عينى

بلعن فيك

وبجيب فى سيرتك فى كل بيت
وعمرى ما شكرت فيك

أحلامى الله يرحمها
كان ليها عبيط بيفكر فيها

وجودك فى حياتى دمرها
وعن عقلى خلاص بخفيها

بيتى مهدود وبقيت فى الشارع
كيلو القوطة ( طماطم ) غلى عن امبارح

وبلاش البيض الاورجانيك
كلو بيض بالبسطرمة

ولى تجيب عيش من الفرنة
مدام البيت فيه حرمه

أنا نور عينك
مش جزمة فى رجليك

بتقولى طلبوا كام جرام !!!!!!!!!!!
انا جدى صحيح فرعونى
بس ملهوش ورث فى الاهرام

بس لينا عمارة
لينا عمارة
تتعب وانت طالع الادوار

ايجارها كله فى الشهر
محصلش قيمة دولار

ايجار قديم
ايجار قديم

بجملة الجحيم
بس
انا بيه ابن بيه
صحيح مش لاقى الجنيه
بس هسكت هو كان فى ايدى ايه

شاب طموح
شاب طموح مش مجروح
شاب طموح احلامه بتروح
شاب طموح اصبح مدبوح