ايام زمان وليالي زمان
كتبه /احمد ابو الريس
انتو عارفين ليه نحن لايام زمان علشان احنا الجيل إلى كنا نصحي الساعه سته الصبح على اذاعه القران الكريم وبعدها اغنيه يا صباح الخير يلي معنا وبعدها نروح نجيب الطعميه قبل عمي سيد ما يخلص وفى أيدينا الكوز الالمونيوم علشان يحط بعشرة فول وعشرة قروش طعميه
نرجع نفطر على صوت عمو فؤاد المهندس كلمتين وبس واحنا نشرب الشاي نسمع أبله فضيله
احنا الجيل كنا بنروح المدرسه بخمس قروش
الشنطه القماش ماليه كتبنا سندوتشات وحب وطيبه
احنا الجيل لما كنا بتذاكر لوحدنا مكنش ابونا ولا امهاتنا معانا وكنا ننجح من غير دروس ولا كلام فاضي احنا الجيل كنا تخبط على الباب علشان نسأل على عمي فلان وعمي علان احنا الجيل كنا نلبس القماش وجزم باتا ونلعب بكرة شراب كنا كوبايه عصير قصب تروينا وحبه جرجير على مع لمه العيله على الطبله تسعدنا مع تفرحنا كنا نسأل على بعض ونمشي بالساعات علشان نزور عمي وخالي كنا نمشي ساعه علشان نلعب ماتش كورة نقعد بعدها نقول الجون إلى انا جبته ازاي ويحلل الماتش ونضحك ماكنش فى موبيلات ولا. فيس ولا انترنت كان في حب وصله رحم كان بابور الجاز ما بيطفايش علشان كنا فى خير ونحب بعض مكانش فى باب بيتقفل على حد كل اليابان مفتوحه لينا ندخل ونطلع عند خالتي ام صلاح وخالتي ام احمد وخالتي ام سيد امي كانت اسمها ام مصطفي ولاد الجيران اخواتي ناكل ونلعب من غير اى سب ولا اذاي لاي حد احنا الجيل الطيب إلى تربي على الخير والحب ومعرفه الاصول
فعلا صدق من قال قول للزمان ارجع يازمان تحيه لكل من عاصر هذا الجيل
اهداء الى روح امي وابويا وجدي وخالتي وجيراني واخواتي كلهم
