وسط فرحة العيد وزحمته في راجل انسان اسمه عبد الفتاح السيسي
كتب:ممدوح السنبسي
ماذا فعل هذا الراجل الانسان كل يوم في اسعاد الناس
■ الصبح
اتسبب في رسم بسمة وفرحة على وجه أطفال آبائهم حالياً أحياء عند ربهم يرزقون بجوار الأنبياء والقديسين في الجنة
● ومش بس الأطفال بس هات كدا أي زوجة أو أم أو أب أو أخ لـ شهيد وما دعاش لعبد الفتاح السيسي على انه بيحاول وبيجتهد في انه يفرح أطفالهم أو يعيشهم يوم فرحة ويتصوّر ويلعب معاهم
.
■ العصر ..
كتب وقال انه تابع فريق الأبطال اللّي بيلعبوا بإسم بلدهم وشكرهم على آداءهم المُشرّف في لفتة معنوية جميلة أوي منه وتقديرا ً لتعبهم منتخبنا عمل اللّي عليه وزيادة بس التوفيق ده حاجة بتاعة ربنا والحمد لله على كل حال ?
● دي حاجة برضو يستاهل عليها الدعاء لإن مش ذنب لاعب تعب واجتهد وعافر علشان يحقق انتصار يفرّح بيه الشعب انه يتابع السوشيال ميديا بعد الماتش فيلاقي عيّل خونفس كل معلوماته عن الكورة انها مدوّرة بينتقد آداؤه وبس لأ ده كمان هيلاقي رئيس بلده بيشكره وبيقوله انت راجل وانا بشجعك وبرفع من معنوياتك
أكيد اللاعب ده مش هيبص لكلام الخونفس قدام رسالة تشجيع من رئيس بلده
.
■ المغرب والعشاء
هيكون السبب في دموع فرحة كل أم رجعت لحضن أولادها ولبيتها بعد ما ديونها اتسددت بقرار منه
● النهاردة بتعلن الدولة المصرية نهاية عصر الغارمات في مصر .. ومع نهاية يوم العيد خلاص ما عادش فيه أي غارمات في السجون المصرية حوالي ألف غارمة رجعت كل واحدة منهم لولادها وهتبات الليلة دي في بيتها هيكون كل بيت أمانه ونفسه الدافي رجعله
● كمية الدعاء اللّي الراجل ده يأخذها من كل أسرة اتممت الفرحة عليهم
■ النهارده خلص وكل واحد بعت رسالة بـواحد جنيه لصندوق تحيا مصر هيحس بقيمة اللّي عمله كل حد اتبرع هيحس ان فعلاً تبرعه عمل إنجاز مش في حياة شخص لأفي حياة أسرة وبيت ياترى كام دعوة من القلب على مدار اليوم
بس كل ما في الموضوع إني فرحان لكل قلب فرح ورجعتله
سعادته وأسرته
● الراجل الإنسان عبد الفتاح السيسي من كل قلبي بأشكرك وربنا يجعل دعاء كل قلب دخلته الفرحة النهاردة من نصيبك
