النظافة من الإيمان وسر تحضر وتقدم الشعوب | جريدة اخر الاسبوع

النظافة من الإيمان وسر تحضر وتقدم الشعوب

النظافة من الإيمان وسر تحضر وتقدم الشعوب

 

بقلم د : فوزي الحبال

 

قال رسول الله صلى الله عليه وسلم: ” إن الله طيب يحب الطيب , نظيف يحب النظافة , كريم يحب الكرم , جواد يحب الجود , فنظفوا أفنيتكم , ولا تشبهوا باليهود , تجمع الأكباء في دورهم “.

 

 إنتهت مباراة قطر واكوادور بالامس القريب ،كل الجماهير خرجت من الملعب ما عدا جماهير اليابان ما خرجووش الا لما قاموا بتنضيف الملعب والمدرجات من اكوام الزبالة والفوارغ، مع العلم لا المباراة مباراتهم ولا البلد بلدهم .

 

المذيع القطرى استعجب من اللى بيعملوه، وسالهم انتم بتعملوا كده عشان الكاميرات ،قالوا لااااا طبعا 

احنا اليابانيين ما نسيبش ورانا مخلفات وقمامة فى اى مكان ،وهذا يدل علي سلوكيات وتحضر من جماهير اليابان، عرفتم سر تحضر الشعوب؟ عرفتم ازاى اليابان اصبحت اليابان المتطورة المتقدمة ؟! .

 

 مرة الرئيس السيسي قال شوف احنا كام مليووون ولو كل واحد من الملايين دى شال ورقة واحدة مرمية فى الارض، الجملة دى يومها لا لفتت نظر حد ولا حد فكر يطبقها بالرغم انها سهله وبسيطه، لكنها سر نجاح الدول الكبيرة. 

 

ما تكلمنيش عن الاسلام فى ورق وخطب ومواعظ ،خلينى اشوفه فى سلوكك، خلينى اشوف المسلمين هم الاولى بالنضافة اللي ديننا بيحثنا عليها!

 

طول ما البعض او الغالبية بتفكر بطريقة ،انا ابنى مش خدام عندكم عشان تخلوووه يلم ورق وزبالة من حووش المدرسة، طول ما عندنا عيال اهاليها ما عرفتش تربيها وتمشى تحدف القطارات بالطوب والزلط ولا تكتب على الحيطان او تقطع الكراسى،يبقى لسه بدرى علينا لما نكون زى اليابانيين.

 

التحضر مش فلوووس ولا فشخرة ولا بذخ ،التحضر سلوووووك وتربية ،والتربية فبل التعليم.

مصر الطقس من أخر الأسبوع